تحریک انصاف ملتان کے ضلعی صدر اعجاز حسین جنجوعہ دو حلقوں سے پارٹی ٹکٹ کے حصول کےلئے درخواست جمع کرائیں

تحریک انصاف ملتان کے ضلعی صدر اعجاز حسین جنجوعہ نے حلقہ این اے 155اور پی پی 216سے الیکشن میں حصہ لینے کا اعلان کردیا
ملتان (نمائندہ سرائیکستان ) پاکستان تحریک انصاف ملتان کے ضلعی صدر اعجاز حسین جنجوعہ نے عام انتخابات 2018ئ میں ملتان کے قومی اسمبلی حلقہ این اے 155اور صوبائی اسمبلی حلقہ پی پی 216 سے حصہ لینے کا اعلان کردیا ہے ۔ اس ضمن میں پارٹی کی ضلعی کور کمیٹی ملتان کا ایک خصوصی اجلاس ضلعی سیکرٹریٹ ملتان میں منعقد ہوا جس میں باہمی مشاورت سے متفقہ فیصلہ کیا گیا کہ اعجاز حسین جنجوعہ ( ضلعی صدر ملتان ) قومی و صوبائی اسمبلی کے دونوں حلقوں سے پارٹی ٹکٹ کے حصول کےلئے درخواست جمع کرائیں گے تاکہ عام انتخابات میں حقیقی کارکن کی نمائندگی ہوسکے ۔ اجلاس سے خطاب کرتے ہوئے اعجاز حسین جنجوعہ نے کہا کہ پاکستان تحریک انصاف تبدیلی کا نعرہ لیکر سامنے آئی اسی وجہ سے عمران خان کو تاریخ ساز عوامی پذیرائی حاصل ہوئی ۔ یہ عوامی دباﺅ کا ہی اثر ہے کہ سیاست دان عمران خان کی قیادت پر اپنے اعتماد کا اظہار کرتے ہوئے پارٹی میں جوق در جوق شامل ہورہے ہیں ۔ اس صورتحال کا تقاضہ ہے کہ عام انتخابات میں پارٹی ایسے لوگوں کو ٹکٹ جاری کرے جو روایتی و سٹیٹس کو سیاست کے محافظ نہ ہوں بلکہ حقیقی معنوں میں پارٹی کارکنوں کی نمائندگی کی اہلیت رکھتے ہوں اور ان کی پارٹی وابستگی مثالی ہو ا۔جلاس میں ملک عبدالستار آرائیں ،عمران سیال ،ڈاکٹر عارف ہانس ، شاہ نواز،عارف لودھی ، ڈاکٹر جام ذوالفقار، ابراہیم ملک ، ڈاکٹر شاہینہ انصاری ، نوشین بخاری ، محسن جنجوعہ و دیگر شریک ہوئے ۔
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭

پوسٹ ٹیگز:

Your email address will not be published. Required fields are marked *

*
*