سراٸیکی ثقافتی سیمینار—منصور حسن ہاشمی

سراٸیکی ثقافتی ڈینھ دے حوالے نال سراٸیکی فاونڈیشن دے زیراہتمام “سراٸیکی ثقافتی سیمینار”زیرصدارت چٸیرمین سراٸیکی فاونڈیشن جام اظہرمراد منعقد ہوا۔سیمینار اچ تحریک انصاف دی ضلعی رہنما محترمہ منیبہ شاہد .سراٸیکی ایکشن کمیٹی دے چٸیرمین راشد عزیز بھٹہ,دھریجہ ادبی اکیڈمی دے چٸیرمین ڈاکٹر نزیر بزمی,سراٸیکی فاونڈیشن تحصیل لیاقت پور دے صدر جام سلیم سعیدی,سراٸیکی فاونڈیشن چولستان دے صدر غلام مصطفی مظہر,امیدوار چٸیرمین حیات لاڑ جام اکرم فضل لاڑ,جام حافظ غلام حسن لاڑ,جام غلام اصغر لاڑ,ذیشان لاکھا, سرائیکی نامور #شاعر_ #عمران_اسد سمیت دیگر مقررین نے خطاب اچ آکھیا کہ سراٸیکی ثقافت دنیا دی تمام خوبصورت ثقافتیں اچ ہک ہے۔پنجاب حکومت اگلے سال سراٸیکی ثقافتی ڈینھ سرکاری سطح تے مناون دا اعلان کرے۔تحریک انصاف دی رہنما منیبہ شاہد نے اپنے خطاب اچ آکھیا کہ پی ٹی آٸی سراٸیکی صوبہ بناون کیتے سنجیدہ ہے پر ڈھگ ساری مشکلات دی وجہ توں دیر تھیندی پی ہے۔سراٸیکی فاونڈیشن دے چٸیرمین جام اظہرمرادلاڑ نے مزید آکھیا کہ حکومت کوں ہن سراٸیکی صوبہ بناونا پمسے۔اساڈے سارے مسلیں دا حل سراٸیکی صوبہ ہے۔صوبہ دی تحریک اچ نوجوانیں دے شامل تھیون نال اساڈی منزل نیڑےنذری پی اے۔سراٸیکی ایکشن کمیٹی دے چٸیرمین راشد عزیز بھٹہ نے خطاب کریندیں ہوٸیں آکھیا کہ سراٸیکی صوبہ دی تحریک زور پکڑ گھدے ہن صوبہ بن تے راہسے۔سیمینار اچ سراٸیکی شاعر ڈاکٹر اجمل اظہر,عبدالستار زاٸر,رفیق احمد رفیق,قمر علی قمر نے اپناں کلام سنایا تے سیمنار اچ سراٸیکی فاونڈیشن دے رہنما نتھو شاہین,میاں خلیل احمد,صدیق گھنیہ,جام نیاز احمد,جام شاکر,شبیر خان چانڈیہ,نواز خان چانڈیہ,رٸیس امیر بخش,رٸیس غفور احمد,سلطان ملک, سمیت سینکڑاں کارکنان نے شرکت کیتی۔

پوسٹ ٹیگز:

Your email address will not be published. Required fields are marked *

*
*